Ruslara Pomidor Yedizdirən ixracatçı sahibkarlarla AQTA-nın rəsmisi görüşdü

Ölkəmizdən Rusiyaya pomidor ixracı ilə məşğul olan sahibkarlarla Qida Təhlükəsizliyi Agentliyinin sədr müavini Balarəhim Quliyevin rəhbərliyi ilə görüş keçirilib.

Agentliyin İnformasiya təminatı və innovativ həllər şöbəsindən Forpost.az

-a verilən məlumata görə, 50-yə yaxın sahibkarlıq subyekti ilə videokonfrans formatında keçirilən görüşdə pomidor bitkisinə qoyulan ixrac tələbləri və fitosanitar nəzarət tədbirləri ilə bağlı sahibkarlara ətraflı məlumat verilib.

Görüşdə qeyd olunub ki, istehsal olunan pomidor məhsulunun təhlükəsizlik və keyfiyyət göstəricilərinin beynəlxalq standartlara cavab verməsi daim sahibkarların diqqət mərkəzində olmalıdır. Eyni zamanda bitkiçilik təsərrüfatlarında zərərvericilərə qarşı mübarizə tədbirləri çərçivəsində yeni metodların tətbiqinin mühüm əhəmiyyət kəsb etdiyi və bu sahədə həyata keçirilməsi zəruri olan tədbirlər sahibkarlıq subyektlərinin diqqətinə çatdırılıb.

Görüşdə sahibkarları maraqlandıran suallar cavablandırılıb.скачать dle 12.1