Sankt-Peterburqda Xalq Birliyi Günü münasibətilə Azərbaycan çay dəsgahı mərasimi təşkil edilib

.

“Sankt-Peterburqun Azərbaycan Milli-Mədəni Muxtariyyəti” Şəhər İctimai Təşkilatı yanında Azərbaycan Gənclər Birliyinin (AGB) təşkilatçılığı ilə keçirilən mərasimdə 15-dən artıq millətin 70-dən çox nümayəndəsi iştirak edib.

Noyabrın 4-də qeyd edilən Xalq Birliyi Gününə həsr olunmuş tədbir mədəni zənginləşmə və möhkəm dostluğun əsl bayramına çevrilib. Tədbirin qonaqları Azərbaycan mədəniyyətinin ab-havasına köklənərək, hazırlanma qaydası nəsildən-nəslə ötürülən müxtəlif ənənəvi şirniyyat və içkilərin dadına baxıblar.

Azərbaycan musiqisi və milli rəqslər tədbir iştirakçılarının ürəklərini fəth edib, parlaq milli geyimlər sayəsində isə bayram şənliyi rənglərin və ənənələrin əsl ziyafətinə çevirib. İştirakçılar xalqlar arasındakı dostluğu və mədəni mübadiləni zənginləşdirmək məqsədilə tədbir çərçivəsində keçirilən müsabiqələrdə fəal iştirak ediblər.

"Sankt-Peterburqun Azərbaycan Milli-Mədəni Muxtariyyəti" Şəhər İctimai Təşkilatı yanında AGB-nin üzvləri bu unudulmaz mərasimin müvəffəqiyyətlə keçirilməsinə görə bütün iştirakçılara dərin minnətdarlıqlarını bildiriblər.

Xalq Birliyi Gününə həsr olunmuş ənənəvi Azərbaycan çay dəstgahı mərasimi Sankt-Peterburqda mədəni zənginləşmə və millətlərarası anlaşma istiqamətində daha bir addıma çevrilib.

Tədbirdə müxtəlif mədəniyyətlərin yaxınlaşmasının, daha vahid və ahəngdar dünyanın yaradılmasının vacibliyi vurğulanıb.скачать dle 12.1