Tarix: 25-08-2022, 10:34

Qida təhlükəsizliyi agentləri Bərdə ətçilərindən yararsız ət aşkarladı

Donara Mustafayeva
-------------------------------------

Qida Təhlükəsizliyi Agentliyi qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.

Agentliyin İnformasiya təminatı və innovativ həllər şöbəsindən Forpost.az -a verilən məlumata görə, Bərdə rayonunun Həsənqaya kəndində fiziki şəxs Məmmədov Nemət Təvəkkül oğluna məxsus heyvan kəsimi məntəqəsinə baxış keçirilib.

Baxış zaman iribuynuzlu heyvanın arxa ətrafında qapalı sınığın olduğu, kəsildikdən sonra isə daxili orqanlarının və heyvan cəmdəyinin insan istehlakı üçün yararsız olduğu aşkarlanıb.

Aşkar olunan faktla bağlı qanunvericiliyin tələbləri çərçivəsində istehlaka yararsız ümumi çəkisi 88 kiloqram ət məhv edilib.