Yapon mütəxəsis Azərbaycanda işgüzar səfərdə

Azərbaycanda səfərdə olan Yapon bağları və parklarının salınması və dizaynı üzrə ixtisaslaşmış məşhur “KOSUQİ-Zohen” şirkətinin rəhbəri Saki Kosuqi və həmin şirkətin meneceri Andreas Hamaçerlə Xətai Rayon İcra Hakimiyyətində görüş keçirilib.

Rayon icra hakimiyyətindən Forpost.az

-a bildiriblər ki, tədbirdə Yeni Azərbaycan Partiyası Xətai Rayon Təşkilatının sədri Vüqar Rəhimzadə, aparatın məsul şəxsləri iştirak ediblər.

Görüşdə Azərbaycan-Yaponiya dostluq münasibətləri çərçivəsində iş birliyinin davam etdirilməsi müzakirə olunub.

Xətai Rayon İcra Hakimiyyətinin başçısı Rafiq Quliyev görüşdə çıxış edərək Yaponiya – Azərbaycan diplomatik əlaqələrinin qurulmasının 30 illiyindən, 44 günlük Vətən müharibəsində əldə olunan böyük Zəfərdən, işğaldan azad edilmiş ərazilərdə aparılan yenidənqurma və bərpa işlərindən danışıb.

Yapon nümayəndə heyətinin rəhbəri Saki Kosuqi hər dəfə Azərbaycanda, o cümlədən Xətai rayonunda olmaqdan məmnunluğunu bildirib. Lakin pandemiya səbəbindən təxminən iki ildir Azərbaycana gələ bilmədiyini qeyd edən qonaq vurğulayıb ki, Yapon bağının məhz Xətai rayonunda öz gözəlliyi ilə seçilən, əhalinin daha çox üstünlük verdiyi istirahət məkanı olan, xalqımızın ümummilli liderinin adını daşıyan Heydər Əliyev parkında olması onu çox sevindirir. Çünki məhz bu dahi şəxsiyyətə olan böyük sevgi və parkın füsunkarlığı Yapon mədəniyyətini özündə əks etdirən Yapon bağının məhz həmin ərazidə salınmasına səbəb olub. Həmçinin bağın yüksək səviyyədə qorunub saxlanılmasından məmnun olduğunu vurğulayıb. Eləcə də Azərbaycana növbəti gəlişi zamanı Qarabağa, Şuşaya səfər etmək arzusunda olduğunu deyib.

Görüşün sonunda qonaqlara xatirə hədiyyələri təqdim olunub.скачать dle 12.1