Qida təhlükəsizliyi agentləri yeni idarəetmə sistemini işə salacaqlar

Azərbaycan Qida Təhlükəsizliyi İnstitutunda (AQTİ) ISO 9001:2015 “Keyfiyyəti idarəetmə sistemləri”nin tətbiqinə başlanılır.

İnstitutun İctimaiyyətlə əlaqələr və maarifləndirmə departamentindən Forpost.az

-a verilən məlumata görə, həmin beynəlxalq standart əsasında idarəetmə sistemlərinin tətbiqi instituta qanunvericiliyin tələblərinin yerinə yetirilməsinə, idarəetmə sisteminin təkmilləşdirilməsinə, vətəndaş məmnunluğunun təmin edilməsinə imkan verir.

Bundan başqa beynəlxalq idarəetmə sisteminin tətbiqi ümumi fəaliyyətin təkmilləşdirilməsinə şərait yaratmaqla yanaşı, şəffaflığın və məhsuldarlığın artırılmasına, davamlı inkişafın təmin olunmasına imkan verir. Həmçinin beynəlxalq sistemin tətbiqi qida təhlükəsizliyi sahəsində müasir və qabaqcıl standartların tələbinə cavab verən keyfiyyətli xidmətlərin təmin edilməsinə, idarəetmənin səmərəli təşkilinə, sənədləşmənin düzgün və stabil aparılmasına təkan verəcək.

Standartın tələbləri xidmətlərin keyfiyyətinin yaxşılaşmasına imkan verir və bu da vətəndaş məmnuniyyətini, eləcə də tərəfdaşlar qarşısında inamı artıracaq.скачать dle 12.1