Rusiyanın Futosanitar Nəzarət Xidməti Azərbaycandan bostan məhsullarının ixracına icazə verdi

Rusiya Federasiyasına ixrac olunan pomidor və alma məhsullarına tətbiq edilən məhdudiyyətlərin aradan qaldırılması sahəsində Qida Təhlükəsizliyi Agentliyi tərəfindən zəruri tədbirlər davam etdirilir.

Qida Təhlükəsizliyi Agentliyi və Rusiya Federasiyası Dövlət Baytarlıq və Fitosanitar Nəzarəti üzrə Federal Xidməti ("Rosselxoznadzor") arasında aparılan mütəmadi danışıqlar, ikitərəfli ticarət məsələlərinin həllində konstruktiv dialoqun genişləndirilməsi və ölkəmizin fitosanitar nəzarət sisteminə yaranmış etimad öz müsbət nəticəsini verir.

Agentliyin İnformasiya təminatı və innovativ həllər şöbəsindən Forpost.az

-a verilən məlumata görə, pomidor və alma yetişdirən müəssisələrdə aparılan fitosanitar monitorinqlərin nəticələri, məhsullardan götürülmüş nümunələrin laboratoriya sınaq protokolları və monitorinq aktlarının təhlili və agentliyin zəmanəti əsasında "Rosselxoznadzor" tərəfindən bu il dekabrın 6-dan etibarən daha 7 müəssisədən pomidor, 5 müəssisədən isə alma ixracına icazə verilib. Beləliklə, indiyə qədər ümumilikdə Rusiya Federasiyasının müvafiq qurumu tərəfindən 212 pomidor, 76 alma istehsalı müəssisəsindən məhsul ixracına icazə verilib. Hazırda Rusiyaya pomidor ixracına icazə verilmiş müəssisələrin ixrac potensialı 364,373 ton təşkil edir ki, bu da 2020-ci il ərzində Rusiyaya ixrac olunan pomidor məhsulunun 202.4 faizini təşkil edir. Həmçinin Rusiya Federasiyasına alma ixracına icazə verilmiş 76 müəssisənin ixrac potensialı 161,787 ton təşkil edir və bu, 2020-ci il ərzində Rusiyaya ixrac olunan 66 min 924 ton alma məhsulunun 241,7 faizi həcmindədir.

Qida Təhlükəsizliyi Agentliyi Rusiya Federasiyası Dövlət Baytarlıq və Fitosanitar Nəzarəti üzrə Federal Xidmətinə əməkdaşlığın inkişafında göstərdiyi peşəkar münasibətə, ölkəmizdə fəaliyyət göstərən bitkiçilik təsərrüfatlarında ötən dövr ərzində rusiyalı mütəxəssislərin iştirakı ilə aparılan birgə monitorinqlər və həmin təsərrüfatlara verdiyi dəstəyə görə təşəkkürünü bildirir. Rusiya Federasiyasının müvafiq qurumu ilə bundan sonra da əməkdaşlıq davam etdiriləcək.скачать dle 12.1