Əcnəbi tələbləri maarifləndirmək istəyirlər

Gəncə Regional Miqrasiya İdarəsi əcnəbi tələbələr üçün maarifləndirmə tədbiri keçirib.

Dövlət Miqrasiya Xidmətindən (DMX)

bildiriblər ki, Azərbaycan Dövlət Aqrar Universitetində reallaşan tədbir “Əcnəbi tələbələrin miqrasiya məsələləri ilə bağlı hüquqi prosedurlar çərçivəsində həyata keçirməli olduğu tədbirlər və miqrasiya qanunvericiliyinin pozulmasına görə nəzərdə tutulmuş inzibati məsuliyyətlər” mövzusuna həsr olunub.

Tədbirdə DMX-nin fəaliyyət istiqamətləri, əcnəbi və vətəndaşlığı olmayan şəxslərin Miqrasiya Məcəlləsində nəzərdə tutulmuş qaydada olduğu yer üzrə qeydiyyata alınması və qeydiyyatdan çıxarılması, müvəqqəti yaşamaq üçün icazə barədə geniş məlumat verilib, elektron qeydiyyat qaydaları izah olunub. Bununla yanaşı, əcnəbi tələbələrin qeydiyyat prosedurlarının vaxtında həyata keçirilməsinin zəruriliyi vurğulanıb.
скачать dle 12.1