Qida təhlükəsizliyi agentləri Tovuzda müşahidələr aparır

Qida Təhlükəsizliyi Agentliyi respublika ərazisinin park və yaşıllıqlarında zərərverici, xəstəlik və alaq otları ilə sirayətlənmənin vaxtında aşkar edilməsi və onlara qarşı mübarizə tədbirlərinin görülməsi üçün fitosanitar monitorinqləri davam etdirir.

Agentliyin İnformasiya təminatı və innovativ həllər şöbəsindən Forpost.az

-a verilən məlumata görə, Tovuz rayonunun Qovlar şəhərindəki mərkəzi parkda həyata keçirilən monitorinqlər nəticəsində dekorativ bitkilərdə karantin tətbiq edilən yastıcaya və ağqanadlıya sirayətlənmə halları aşkar olunub.

Aşkar olunmuş zərərvericilərlə mübarizə üsulları barədə məsul şəxslərə məlumat verilib, həmçinin yaşıllıq və parklara aqrotexniki qaydada qulluq edən sahə aqronomu və texniki işçilərlə elmi-təcrübi fikir mübadiləsi aparılıb və zəruri göstərişlər verilib.скачать dle 12.1