Astana sülh prosesində Suriya münaqişəsi çözüləcək

Suriyada münaqişənin nizamlanması üzrə Astana sülh prosesi çərçivəsində Suriya üzrə 18-ci görüş gələn ilin birinci yarısında keçiriləcək.

Nur-Sultanda Suriya üzrə danışıqların 17-ci raundunun nəticələrinə yekun vurulub. İki gün ərzində, dekabrın 21-22-də Qazaxıstan paytaxtında ikitərəfli və üçtərəfli məsləhətləşmələr keçirilib. Rusiya, İran və Türkiyə qaçqınların Suriyaya qayıtmasına yardım etməyin vacibliyini vurğulayıblar.

Nəticədə İran, Rusiya və Türkiyə nümayəndələri birgə bəyanatla çıxış ediblər. Orada onlar terrorizmlə mübarizədə qarşılıqlı fəaliyyəti davam etdirmək istəklərini ifadə edib, həmçinin Suriyadakı humanitar vəziyyətdən narahat olduqlarını bildiriblər.

Tərəflər Suriya üzrə danışıqların 18-ci mərhələsinin gələn ilin birinci yarısında Nur-Sultanda keçirilməsi barədə razılığa gəliblər. Epidemioloji vəziyyətdən asılı olaraq, şərtlərə uyğun olaraq Tehranda Rusiya, Türkiyə və İran arasında üçtərəfli sammitin keçirilməsi ilə bağlı qərar verilib.

Bundan başqa, qarant ölkələr terrorçuluğa qarşı mübarizənin bütün forma və təzahürlərinin davam etdirilməsində, Suriyanın suverenliyi və ərazi bütövlüyünün pozulmasına yönəlmiş və qonşu ölkələrin milli təhlükəsizliyini təhdid edən separatçı planlara qarşı durmaqda qərarlı olduqlarını bildiriblər.скачать dle 12.1