"Qarabağ xalçaları " layihəsi növbəti təqdimatda

F.Köçərli adına Respublika Uşaq Kitabxanası “Qarabağın zəngin irsini – gələcək nəsillərə” layihəsi çərçivəsində “Qarabağ xalçaları” adlı maarifləndirici buklet və əlfəcinləri istifadəçilərə təqdim edib.

Forpost.az

xəbər verir ki, layihənin əsas məqsədi Azərbaycanın qədim sənət növlərindən biri olan xalçaçılığın ən gözəl nümunələrindən Qarabağ xalçalarını uşaq və yeniyetmələrə tanıtmaqdır. Təqdim olunan məlumatlar Respublika Uşaq Kitabxanasının elektron informasiya bazasına istinad edilərək ərsəyə gəlib.

Nəfis tərtibatda hazırlanmış maarifləndirici buklet və əlfəcinlər 12 rayon - Şuşa, Xankəndi, Laçin, Xocavənd, Cəbrayıl, Xocalı, Kəlbəcər, Füzuli, Ağdərə, Qubadlı, Ağdam və Zəngilan torpaqlarına aid zəngin xalçaçılıq sənətinə uşaqlarda maraq artırmaq məqsədi daşıyır. Maraqlı naxış elementləri və təsvirlərlə bəzədilən xovlu və xovsuz qədim xalça nümunələri haqqında məlumatlar Azərbaycan və ingilis dillərində verilib.скачать dle 12.1