Luvr muzeyinə gələnlərin sayı azalıb

Son ildə Luvr muzeyinə ziyarətlərin sayı pandemiya səbəbinə görə 72 faiz azalıb.

Forpost.az

TASS agentliyinə istinadla xəbər verir ki, muzeyə gələnlərin sayı 2018-ci ildə 10.2 milyon, 2019-cu ildə 9.6 milyon, 2020-ci ildə isə bu göstərici azalaraq 2.7 milyon nəfər olub.

“Səhiyyə sahəsində yaşanan böhran bizim planlarımızı tar-mar edir. Muzey zallarının boş olmasından çox məyusuq. Ancaq Luvrun uzun tarixi onu göstərir ki, yaxşı günlər hələ qarşıdadır”, - deyə muzeyin direktoru Jan-Luk Martinez əlavə edib.

Məlumatda bildirilib ki, ziyarətçilərin sayının az olması karantin rejimi ilə əlaqədardır. Bu zaman kəsiyində muzey davamlı fəaliyyət göstərməyib və hazırda da ziyarətçi qəbul etmir. Qeyd olunub ki, ötən il karantin məhdudiyyətləri aradan qaldırılan aylarda təkcə “Leonardo da Vinçi” sərgisi özünə 1.1 milyon ziyarətçi cəlb etmişdi.

Həmçinin bu il ziyarətçilər arasında əcnəbilərin olmaması da muzey işçilərinin diqqətindən yayınmayıb.скачать dle 12.1