Amerikanın məşhur aktyoru Arnold Şvartsenegger vergi qanunlarını pozmaqda şübhəli bilinərək, barəsində məhkəmə işi açılıb

.

“Report” xəbər verir ki, bu barədə Münhenin Baş Gömrük İdarəsinin mətbuat xidməti məlumat yayıb.

“Mən təsdiqləyə bilərəm ki, o, təxminən iki saatdır bizimlədir. Bu, bizdən tələb olunan standart prosesdir. Vergi icraatına başlanılıb”, - gömrük nümayəndəsi bildirib.

O, məhkəmə işinin səbəbinin bəyan edilməmiş “Audemars Piguet” saatlarının daşınması olduğunu nə təsdiq, nə də təkzib edib. Gömrük nümayəndəsi sənətçinin hansı cərimə ilə üzləşdiyini və dəbdəbəli əşyanın müsadirə oluna biləcəyini də açıqlamayıb.

“Prosedur başa çatmaq üzrədir, o, 10 dəqiqə sonra sərbəst buraxılacaq və davam edə biləcək”, - gömrük nümayəndəsi fikirlərini yekunlaşdırıb.

Daha əvvəl bildirilib ki, Arnold Şvartsenegger Almaniyanın Münhen şəhərinin hava limanında qaçaqmalçılıq yolu ilə bahalı saat keçirmək istəyərkən saxlanılıb. Aktyor Almaniyaya Dünya İqlim Sammitində iştirak etmək üçün gedib. Aktyor İçveçrənin lüks saatlarından olan “Audemars Piguet” brendinin nümunəsini götürüb. Saat xüsusi olaraq aktyor üçün hazırlanıb. Onun qiyməti 20 min avrodur.скачать dle 12.1