" Milyonlar 2" cizgi filmi Amerikanın satış kassalarında rekord vurur

Məşhur cizgi filmi “Minyonlar 2” Amerika satışı kassasında zirvədə debüt edib.

Forpost.az

xəbər verir ki, hesabatlarda filmin nümayişinin ilk həftəsində 70 milyon dollarlıq gəlir qazanması proqnozlaşdırılsa da, “Minyonlar 2” gözləntiləri üstələyib. Cizgi film premyera zamanı 108,5 milyon dollar gəlir əldə edərək, ABŞ kinoteatrlarında ən çox izlənilən ekran əsərləri arasında ilk sırada yer alıb.

Beləliklə, ekran əsəri Amerika kassasında ən çox gəlir gətirən cizgi filmi olmağı bacarıb.

“Top Gun: Maverick” bu həftəsonu 25,5 milyon dollar gəlir əldə edərək siyahıda ikinci yerdə qərarlaşıb.

ABŞ və Kanadada ümumi gəliri 564 milyon dollara çatan film qlobal kassada 1 milyard 32 milyon dollara yaxınlaşıb.

Keçən həftə “Top Gun: Maverick”i kiçik fərqlə geridə qoyaraq, kassada birinci yeri tutan “Elvis” bu həftə 19 milyon dollar gəlirlə üçüncü yerdədir. Filmin kassa gəliri keçən həftə ilə müqayisədə 35 faiz azalıb. Bu həftə premyerası olacaq “Tor : Sevgi və ildırım” filminin kassa sırasını necə dəyişəcəyi maraqla gözlənilir.скачать dle 12.1