Rusiyada "Nizaminin sözünü hiss et " dilər

Sankt-Peterburqda, Rusiya Milli Kitabxanasının (RMK) yeni binasında, Azərbaycanın Baş Konsulluğunun dəstəyi ilə dahi Azərbaycan şairi Nizami Gəncəvinin 880-ci ildönümünə həsr olunmuş “Nizaminin sözünü hiss et” sərgisinin təntənəli açılışı olub.

Forpost.az

xəbər verir ki, sərgini Rusiya Milli Kitabxanasının Baş direktoru Vladimir Qronski açıb. Açılış mərasimində Azərbaycanın mədəniyyət nazirinin müavini Sevda Məmmədəliyeva, Azərbaycanın Sankt -Peterburqdakı Baş konsulu Sultan Qasımov, diplomatlar, şəhərin elm və mədəniyyət ictimaiyyətinin nümayəndələri iştirak ediblər. Xalq mahnıları və Nizami Gəncəvinin sözlərinə yazılmış muğam və musiqili kompozisiyaları təqdim olunub.

Sərgi ziyarətçilərinin diqqətinə Nizaminin əsərləri orijinal dildə və dünyanın müxtəlif dillərinə tərcümələrdə təqdim olunub. Ekspozisiya illüstrativ material və məişət əşyaları ilə tamamlanıb.

Sərgi noyabrın 21-dək davam edəcək.скачать dle 12.1