GMO və yaxud Gen Terroru: Azərbaycanın milli maraqları konteksində

Müşahidələr və monitorinqlərin nəticələri göstərir ki, son vaxtlar Azərbaycanda genetik səviyyədə dəyişikliklərə məruz qalmış məhsulların satışı durmadan artır. Ən ciddi problem isə humanitar yardım qismində ölkəmizə gətirilən məhsullarla bağlıdır. İndi ölkə bazarlarında genetik modifikasiyaya uğramış müxtəlif ərzaq məhsulları çoxluq təşkil edir.
Məsələn, bazarlarda geni dəyişdirilmiş xeyli meyvə-tərəvəz satılır ki, onlar zahirən təbii sortlardan elə də fərqlənmir. Marketlərdə vəziyyət bundan da pisdir. Ekspertlər iddia edir ki, satılan ketçuplar və çipslərin hamısı, kartofların 80-90

%-i, soğanın 50%-ə qədəri, meyvə-tərəvəzlərin, qablaşdırılmış süni qidaların, içkilərin böyük əksəriyyəti geni dəyişdirilmiş məhsullardır. Bazarların piştaxtalarını və marketlərin rəflərini dolduran xarici ölkələrdən gətirilmiş hər biri eyni formada, təxminən eyni çəkidə olan, göz oxşayan meyvələri xüsusi kimyəvi preparatlar vasitəsilə yetişdirirlər və onlar uzun müddət açıq havada saxlandıqda da xarab olmur. Təbii ki, ziyanvericilər də həmin meyvələrə yaxın düşmür və biz əgər belə məhsulları yeyən kimi ölmürüksə, bu o demək deyil ki, o, bizə təsir etmir. Alimlərin gəldiyi nəticə belədir ki, genetik modifikasiya olunmuş məhsullar insan orqanizmi üçün olduqca zərərlidir və öz təsirini bir müddət sonra büruzə verir.

Xatırladaq ki, dövlət rəsmiləri bu sahədə texniki avadanlıqların və laboratoriyaların olmaması səbəbindən Azərbaycana idxal edilən qida məhsullarının biotəhlükəsizliyini yoxlamağın qeyri-mümkünlüyünü etiraf ediblər. Son vaxtlar ölkəmizə daha çox "GM" məhsullar idxal olunduğundan və belə məhsulların laborator analizi üçün yüksək standartlara cavab verən laboratoriyalar olmadığından çəkinmədən demək olar ki, Azərbaycan xalqının genofondu təhlükədədir. Bu problemin dövlət səviyyəsində təcili həll edilməsinə başlanılmasa ölkə çox ciddi məsələlərlə qarşılaşacaq.

F. Suleymanova,
Z.Agayeva скачать dle 12.1