Xalid Ali Salim Al Sunaidi:Ötən il Körfəz Əməkdaşlıq Şurası (KƏŞ) ölkələrinin ümumi daxil məhsulu 2,2 trilyon dollar olub

Ötən il Körfəz Əməkdaşlıq Şurası (KƏŞ) ölkələrinin ümumi daxil məhsulu 2,2 trilyon dollar olub.

Bunu Körfəz Əməkdaşlıq Şurasının Baş katibliyinin İqtisadi və İnkişaf Məsələləri üzrə Baş katibinin köməkçisi Xalid Ali Salim Al Sunaidi İqtisadiyyat Nazirliyinin dəstəyi, Azərbaycan Respublikasının İxracın və İnvestisiyaların Təşviqi Agentliyinin (AZPROMO) təşkilatçılığı ilə Bakıda keçirilən Azərbaycan-Körfəz Əməkdaşlıq Şurasına (KƏŞ) üzv ölkələrinin 2-ci iqtisadi forumunda çıxışı zamanı deyib.

O bildirib ki, sərvət fondlarında KƏŞ ölkələrinin sərvəti 4,4 trilyon dollara çatıb: “KƏŞ ölkələrinin ticarət dövriyyəsi 1,5 trilyon dollardan çox olub. 2022-ci ildə isə KƏŞ-ə üzv ölkələrin Azərbaycanla ticarət dövriyyəsi 1 milyard dollardan çox olub. KƏŞ ölkələri ilə Azərbaycan arasında əməkdaşlığı gücləndirmək üçün böyük potensial var”.скачать dle 12.1