“Techmark Academy”nın təşkilatçılığı ilə “Rəqəmsal analitika” mövzusunda “MeasureCamp Baku 2023” tədbiri keçirilib

.

Mərkəzdən bildirilib ki, tədbirdə qeydiyyatdan keçən 200 nəfərə yaxın iştirakçıya “Data analitikası”, “Rəqəmsal marketinq” və “Rəqəmsal avtomatlaşdırma” mövzularında 16 maarifləndirici sessiya keçirilib.

Tədbir zamanı eyni anda bir neçə sessiya olduğu üçün iştirakçılar sessiyalar arasında “İki Ayaq Qaydası” (“Law of Two Legs”) ilə rahat dəyişiklik etmək imkanı əldə ediblər. Bu da onların faydalı hesab etdikləri sessiyalarda iştirak edərək aidiyyəti bilik və bacarıqları mənimsəmələrinə şərait yaradıb.

Bakıda 2-ci dəfə təşkil olunan “Rəqəmsal analitika” mövzusunda qeyri-konfrans tipli tədbir virtual olaraq dünya üzrə 27-dən çox şəhərdə keçirilib.

Tədbirin məqsədi Azərbaycanda və dünyada olan marketoloqları, analitikləri, UI/UX dizaynerləri və aidiyyəti sahədə çalışan şəxsləri bir araya toplamaq, təlimlər keçirmək və bu təlimlərlə onların təcrübələrini artıraraq biznes ekosisteminə innovativ fayda verməkdir.

Qeyd edək ki, ASAN İnnovativ İnkişaf Mərkəzi ASAN təcrübəsi və innovativ təlim metodlarını tətbiq edərək kadrların peşəkarlıq səviyyəsinin təkmilləşdirilməsinə dəstək göstərir. Mərkəz, həmçinin innovativ düşüncə və biliklərin qazanılması və innovasiya potensialının gücləndirilməsi istiqamətində tədbir və layihələr həyata keçirir və ya bu kimi fəaliyyətlərə dəstək göstərir.скачать dle 12.1