UEFA Çempionlar Liqasının final oyununu idarə edəcək hakimlərin adları açıqlanıb

Fransanın PSJ və İtaliyanın "İnter" klubları arasında keçiriləcək UEFA Çempionlar Liqasının final oyununu idarə edəcək hakimlərin adları açıqlanıb.

"Report" xəbər verir ki, qarşılaşmada İştvan Kovaçın rəhbərlik etdiyi rumıniyalı hakimlər briqadası ədaləti qoruyacaq.

Ona Mixay Marika və Ferents Tunyoqi kömək edəcəklər.

Dördüncü hakim funksiyasını Juan Pineyru (Portuqaliya) yerinə yetirəcək. Dennis Hiqler (Niderland) və köməkçisi Katalin Popa (Rumıniya) isə VAR hakimi olacaqlar.

Qeyd edək ki, həlledici matç mayın 31-də Almaniyanın Münhen şəhərində keçiriləcək.скачать dle 12.1