Şəms Ağahüseynova beynəlxalq turnirdə fərdi proqram üzrə komanda hesabında gümüş medal qazandı

“Çıxışımda narazı qaldığım bəzi məqamlar olsa da, fəxri kürsüdə yer aldığım üçün çox sevincliyəm”.

Bu sözləri Bakıda keçirilən beynəlxalq turnirdə fərdi proqram üzrə komanda hesabında gümüş medal qazanan Azərbaycanın bədii gimnastı Şəms Ağahüseynova deyib.

Gənclərin yarışında fərqlənən idmançı doğma arenada çıxış etməyin məsuliyyətli olduğunu bildirib: “Azərbaycanın ev sahibliyi etdiyi beynəlxalq yarışlar həmişə yüksək səviyyədə təşkil olunur. Biz də ölkəmizi doğma divarlar arasında layiqincə təmsil etməyə çalışırıq. Ümid edirəm ki, sabah bugünkündən də yaxşı çıxış edəcək, növbəti medalımı qazanacağam”.

Qeyd edək ki, turnirə martın 30-da yekun vurulacaq.скачать dle 12.1