Binəqədi oğrusu ələ keçdi

Binəqədi Rayon Polis İdarəsinin 43-cü polis bölməsi əməkdaşlarının keçirdikləri əməliyyat-axtarış tədbirləri nəticəsində sentyabrın 28-də “London Taxi” markalı avtomobilin dövlət qeydiyyat nişanlarını oğurlamaqda şübhəli bilinən Bakı şəhər sakini A.Hüseynov saxlanılıb.

Daxili İşlər Nazirliyinin mətbuat xidmətindən

verilən məlumata görə, axtarış zamanı onda heroin və metamfetamin aşkarlanıb.

Onun barəsində aparılmış tədbirlərlə həmin şəxsin Yasamal Rayon Polis İdarəsi tərəfindən borclu qismində axtarışda olması da müəyyənləşib. Oğurladığı dövlət qeydiyyat nişanları isə idarə etdiyi “Tofaş” markalı avtomobilin üzərində aşkarlanaraq götürülüb.

Faktla bağlı Binəqədi Rayon Polis İdarəsi tərəfindən araşdırmalar davam edir.скачать dle 12.1