Suraxanı oğruları yaxalandı

Suraxanı rayonunda avtomobili qaçırıb ehtiyat hissələrinə ayıraraq satan şəxslər saxlanılıblar.

Daxili İşlər Nazirliyinin mətbuat xidmətindən

bildiriblər ki, Suraxanı Rayon Polis İdarəsinin əməkdaşları tərəfindən həyata keçirilən əməliyyat zamanı qeyd edilən cinayəti törətməkdə şübhəli bilinən Nəvai Nəcəfov, Ruslan Ağalarov, Aydın Abbasov və Ramiz Əliyev tutulublar. Onlar ifadələrində “Toyota” markalı avtomobili qaçırandan sonra Ramiz Əliyevin həyətində ehtiyat hissələrini ayırdıqlarını qeyd ediblər. Həmin nəqliyyat vasitəsi polis əməkdaşları tərəfindən aşkar edilərək maddi sübut kimi götürülüb.

Rayon polis idarəsinin əməkdaşları tərəfindən həyata keçirilən digər bir əməliyyat zamanı fərdi evlərdən qızıl-zinət və digər məişət əşyaları oğurlayan Şəhanə Nəbizadə saxlanılıb. Onun Hövsan və digər ərazilərdə evlərdən oğurluq etdiyi müəyyən edilib.

Faktlarla bağlı Suraxanı Rayon Polis İdarəsində araşdırmalar başlanılıb.

Adları sadalanan şəxslərin digər qanunsuz əməllərindən zərərçəkən başqa şəxslər olarsa, bu barədə ərazi polis orqanlarına məlumat verə bilərlər.скачать dle 12.1