Gəncə oğruları tutuldu

Gəncə Şəhər Baş Polis İdarəsinin cinayət axtarış idarəsinin və Nizami Rayon Polis İdarəsinin əməkdaşlarının birgə keçirdikləri əməliyyat-axtarış tədbirləri nəticəsində şəhər ərazisində silsilə oğurluq hadisələri törədən şəxs saxlanılıb.

Daxili İşlər Nazirliyinin mətbuat xidmətinin Gəncə regional qrupundan

bildiriblər ki, aparılan araşdırmalarla şəhər sakini, əvvəllər məhkum olunmuş 41 yaşlı Anar Qurbanovun aprel və dekabr aylarında şəhər ərazisindəki 4 fərdi evdən, 5 mağazadan və 1 köşkdən ümumi dəyəri 12 min 469 manat olan müxtəlif növ məişət əşyaları, tütün və qida məmulatları, geyim əşyaları, xalça, mobil telefon və kompüter avadanlığı oğurladığı müəyyənləşdirilib.

A.Qurbanov saxlanılaraq maddi sübutlarla birlikdə istintaqa təhvil verilib. Hazırda saxlanılan şəxsin digər analoji cinayətlərdə iştirakı və törətdiyi cinayət hadisələrində digər şəxslərlə cinayət əlaqələrinin olub-olmaması araşdırılır. Faktlarla bağlı Gəncə Şəhər Baş Polis İdarəsinin istintaq və təhqiqat idarəsində cinayət işi başlanıb, araşdırmalar davam etdirilir.скачать dle 12.1