Güclü külək Zaqatalada elektrik təsərrüfatına ziyan vurub

Rayonun mərkəzindəki küçələrdə irigövdəli ağaclar yıxılıb, budaqları qırılaraq yola tökülüb.

Nəticədə ərazidən keçən elektrik naqilləri qırılıb. Bu səbəbdən rayon mərkəzinin və ətraf kəndlərin bəzi hissələrində elektrik enerjisinin verilməsində fasilələr yaranıb.

Bununla yanaşı, beşmərtəbəli yaşayış binasının dam örtüyünün bir hissəsi qoparaq yerə düşüb.

Hazırda fəsadların aradan qaldırılması istiqamətində işlər aparılır.скачать dle 12.1