Paytaxt oğrusu yaxalandı

Paytaxtda bir neçə vətəndaşın külli miqdarda pul vəsaitini dələduzluq yolu ilə talayan şəxs müəyyən olunaraq saxlanılıb.

Bu barədə Daxili İşlər Nazirliyinin mətbuat xidmətindən

məlumat verilib.

Daxil olan müraciətlər əsasında Səbail Rayon Polis İdarəsinin 9-cu polis bölməsində aparılan araşdırmalarla 2018-2021-ci illər ərzində paytaxt sakini olan üç nəfərin 9300, 14800 və 8400 manat pullarının dələduzluq yolu ilə talanması məlum olub.

Polis əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən paytaxt sakini Xətai Əlizadə müəyyənləşdirilərək saxlanılıb. Onun Bakı şəhər sakini olan daha bir nəfəri aldadaraq 14000 manatını talaması da müəyyən olunub.

Faktla bağlı araşdırma aparılır.скачать dle 12.1