Polis Binəqədi və Yasamal oğrularını yaxaladı

Binəqədi Rayon Polis İdarəsinin 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Biləcəri qəsəbəsindəki evlərin birindən beş min manat dəyərində qızıl-zinət əşyaları oğurlamaqda şübhəli bilinən Bərdə rayon sakini, əvvəllər məhkum olunmuş İ.Süleymanov saxlanılıb.

Daxili İşlər Nazirliyinin mətbuat xidmətindən

bildiriblər ki, Yasamal Rayon Polis İdarəsinin 28-ci polis bölməsinə Ə.Haqverdiyev küçəsindəki marketlərdən birinə quraşdırılmış iki kondisionerin 3400 manat dəyərində mühərrikinin oğurlanması barədə müraciət daxil olub.

Oğurluğu törətməkdə şübhəli bilinən paytaxt sakini, əvvəllər məhkum olunmuş E.Hacıyev polis əməkdaşlarının keçirdikləri əməliyyat tədbiri nəticəsində tutulub.

Hər iki faktla bağlı araşdırma aparılır.скачать dle 12.1