Yasamal Rayon Polis İdarəsinin 29-cu Polis Şöbəsinə fevralın 3
-də Yeni Yasamal yaşayış sahəsində yerləşən uşaq bağçalarının birindən iki noutbukun oğurlanması barədə məlumat daxil olub.Daxili İşlər Nazirliyinin mətbuat xidmətindən verilən məlumata görə, oğurluq əməlini törətməkdə şübhəli bilinən Bakı şəhər sakinləri B.Bağırov və C.Qarayev polis əməkdaşlarının keçirdikləri əməliyyat tədbirləri nəticəsində müəyyənləşdirilərək saxlanılıblar.
Faktla bağlı rayon polis idarəsi tərəfindən araşdırma aparılır.