Yerli alimlərin veb-hostinq proqramlarına elmi baxışı

AMEA İnformasiya Texnologiyaları İnstitutunun növbəti onlayn elmi seminarı keçirilib.

İnstitutdan Forpost.az -a

bildirilib ki, seminar “Veb-hostinq proqramlarının müqayisəli təhlili” mövzusuna həsr olunub. Məruzəni təqdim edən şöbənin mühəndis-proqramlaşdırıcısı Səməd Dursunov veb-hostinqlərin idarəsində istifadə olunan proqram təminatlarını diqqətə çatdırıb. Buraya “cPanel”, “Webmin”, “ISPmanager”, “DirectAdmin”, “Plesk” və s. daxil olduğunu deyib.

Sonra məruzəçi “cPanel” proqram təminatı, WHM (Web Host Manager) haqqında da məlumat verib.

Məruzə ilə bağlı fikir mübadiləsi aparılıb, suallar cavablandırılıb.

Şöbə müdiri, dosent Rəşid Ələkbərov veb-hostinq proqramları ilə bağlı tədqiqatların davam etdirilməsi üçün tövsiyələrini verib, bu istiqamətdə beynəlxalq təcrübənin araşdırılmasının vacibliyini vurğulayıb.скачать dle 12.1