Sentyabrın 29-da BDU-da elmi seminar keçiriləcək

Bakı Dövlət Universitetinin (BDU) Mexanika-riyaziyyat fakültəsində sentyabrın 29-da “İkinci tərtib parabolik tənliklər üçün qeyri-lokal şərtli tərs sərhəd məsələləri” mövzusunda elmi seminar keçiriləcək.

Bu barədə Forpost.az

-a BDU-dan məlumat verilib.

Seminarda Diferensial və inteqral tənliklər kafedrasının elmlər doktoru proqramı üzrə doktorantı, dosent Elvin Əzizbəyovun mövzu üzrə məruzəsi dinləniləcək.

Məruzədə tərs məsələlər, onların təsnifatı və tətbiq sahələri haqqında məlumat veriləcək, birölçülü və ikiölçülü parabolik tənliklər üçün həm zaman, həm də fəza dəyişənlərinə görə qeyri-lokal şərtli tərs sərhəd məsələlərinin klassik həllinin varlığı və yeganəliyi göstəriləcək. Sonra baxılan tərs məsələlərə uyğun bəzi ədədi nümunələr veriləcək, onların MatLab riyazi proqram paketindən istifadə etməklə ədədi həlləri və qrafikləri nümayiş olunacaq.скачать dle 12.1