Vamko qasırğası tüğyan edir

Filippində tüğyan edən Vamko qasırğası səbəbindən meydana gələn daşqınlarda ölənlərin sayı 42-yə yüksəlib, 20 nəfər itkin düşüb.

Anadolu agentliyi

xəbər verir ki, qasırğa nəticəsində bir çox yaşayış məntəqələri elektriksiz qalıb, yollar sıradan çıxıb.

Qasırğanın yaxınlaşdığı Vyetnamda isə təxliyələr başlayıb. Hakimiyyət orqanları 460 minədək sakinə təxliyəyə hazır olmaq təlimatı verib. Ölkənin mərkəzi hissəsində yaşayan uşaqlar və yaşlılar təhlükəsiz yerlərə təxliyə edilib. Həmçinin yaxınlaşan qasırğa səbəbindən beş hava limanının bağlandığı, qatarların hərəkətinin dayandırıldığı bildirilir.

Oktyabrın sonlarında meydana gələn Molave qasırğası nəticəsində Filippində 22, Vyetnamda isə 35 nəfər həyatını itirmişdi.скачать dle 12.1