Polşanın müxtəlif bölgələrindən olan minlərlə fermer Brüsselin kənd təsərrüfatı siyasətinə qarşı etiraz yürüşü və digər aksiyalar üçün Varşavaya gəlməkdədir

Polşanın müxtəlif bölgələrindən olan minlərlə fermer Brüsselin kənd təsərrüfatı siyasətinə qarşı etiraz yürüşü və digər aksiyalar üçün Varşavaya gəlməkdədir.

Polsat xəbər verir ki, təşkilatçılar yürüşdə 30-50 min nəfərin iştirak edəcəyini deyirlər. Onlar fermerlərlə yanaşı, şaxtaçıların və ovçuların da iştirak edəcəyi etiraz aksiyalarının dinc keçəcəyinə əmindirlər.

Etiraz aksiyası yerli vaxtla saat 11:00-da şəhərin mərkəzində başlayacaq. Fermerlər daha sonra Seymin (parlamentin aşağı palatası) binasına və Baş nazir Donald Tuskun dəftərxanasına yürüş edəcəklər.

Telekanalın məlumatına görə, Varşavaya gedən bəzi yollar səhər saatlarından etibarən fermerlər tərəfindən kənd təsərrüfatı texnikası ilə bağlanıb.скачать dle 12.1