Böyük Britaniyada kral III Karlın dəstək reytinqi son bir il ərzində xeyli artıb

.

Forpost.az xəbər verir ki, bu barədə məlumat “The Times” nəşri üçün keçirilən sorğunun nəticələrində əksini tapıb. Sorğuda iştirak edən britaniyalıların 62 faizi III Karlın yaxşı kral olacağını düşünür. Halbuki 2022-ci ilin martında respondentlərin yalnız 39 faizi bu fikri dəstəkləyirdi.

Bundan başqa, rəyi soruşulan vətəndaşların 26 faizi dövlət başçısının seçilməsini istədiyi halda, 60 faizi monarxiya üsul-idarəsinin davam etməsinə tərəfdarıdır.

Xatırladaq ki, Böyük Britaniya kraliçası II Elizabet ötən il sentyabrın 8-də vəfat edib. Bundan iki gün sonra kraliçanın böyük oğlu III Karl Böyük Britaniyanın yeni kralı elan olunub. Mayın 6-da yeni monarxın tacqoyma mərasimi keçiriləcək.

Buckingham sarayından verilən məlumata görə, Westminster abbatlığında keçiriləcək tacqoyma mərasimində 200-dən çox ölkənin nümayəndəsi, o cümlədən 100-ə yaxın dövlət başçısı iştirak edəcək.скачать dle 12.1