Ötən il Rusiya ilə Çin arasında ticarət dövriyyəsi illik müqayisədə 29,3 faiz artaraq 190,27 milyard dollara çatıb ki, bu da iki ölkə üçün bütün zamanların rekordu hesab edilir.
Çinin Baş Gömrük İdarəsi
Son bir ildə Çindən Rusiyaya ixrac 12,8 faiz artaraq 76,12 milyard dollar təşkil edib. Rusiyadan Çinə isə ixrac bu müddət ərzində 43,4 faiz artaraq 114,15 milyard dollara çatıb.
2022-ci ildə Rusiyanın müsbət saldosu 38 milyard dollar təşkil edib ki, bu da 2021-ci illə müqayisədə üç dəfədən çoxdur.
Qeyd edək ki, Rusiyadan Çinə tədarükün ümumi həcminin 70 faizdən çoxunu enerji resursları təşkil edir. Çin isə Rusiyaya əsasən istehlak elektronikası, ekskavatorlar, avtomobillər, mikroprosessorlar, geyim, ayaqqabı və istehlak malları ixrac edir.