Birləşmiş Ərəb Əmirliklərinin paytaxtındakı Yas adasında “Ferrari” modeli olan özügedən taksilər xidmətə başlayır

“Əl Xalec” qəzeti

xəbər verir ki, bu taksilərin xidmətindən istifadə etmək istəyən sərnişinlər “Google Play” və ya “iOS App Store”də olan müvafiq proqramlardan istifadə edəcəklər. Özügedən taksilərin sahibi olan “Bayanat” şirkətinin məlumatına görə, dekabrın 23-dən başlayacaq taksi xidmətinin operatoru ən yüksək texnologiya ilə təmin olunmuş və şəhərin xəritələri üzrə dəqiq hərəkətə təminat verən xüsusi firma olacaq. Sərnişinlər yerləşdiyi və gedəcəyi ünvanı göndərdikdən sonra sürücüsü olmayan taksi onları lazımi məntəqəyə çatdıracaq.

Əbu-Dabi Nəqliyyat Departamenti ilk mərhələdə Yas adası küçələrinə 10 özügedən taksi buraxacaq, sonra isə bu avtomobillər paytaxt yollarında da xidmət göstərəcək. Atmosferə karbon qazı emissiyasını azaltmaq məqsədilə yalnız hibrid mühərrikli və elektriklə işləyən maşınlardan istifadə olunacaq.скачать dle 12.1