Balakənli qarğıdalı əkənlər dən qarğıdalının tonunu qaldıracaqlar

Balakənli fermerlər bu il 7 min 577 hektar sahədə qarğıdalı yetişdiriblər. Qarğıdalı bitkisinin əkin sahəsi ötən illə müqayisədə 62 hektar artırılıb. Hazırda təsərrüfatlarda qarğıdalı yığımının qızğın çağıdır. İndiyədək 3 min 800 hektaradək sahənin məhsulu yığılıb, 23 min 446 ton dən qarğıdalı istehsal olunub. Hər hektardan orta məhsuldarlıq 61,7 sentner təşkil edir.

Bu barədə

Balakən Dövlət Aqrar İnkişaf Mərkəzinin bitkiçilik sektorunun müdiri Şahin Rəhimli məlumat verib.

Sektor müdirinin sözlərinə görə, cari mövsümdə rayonda dən qarğıdalı istehsalının 46 min tona çatacağı gözlənilir.

Hazırda rayonun təsərrüfatlarında tütün yığımı da mütəşəkkil davam etdirilir. Balakənli fermerlər bu il 243 hektar sahəyə “Virciniya botaniki”, 57 hektara isə yerli “İmmuniy” növlü tütün əkiblər. İndiyədək sahələrdən 1230 ton yaş tütün yarpağı yığılıb. Yaşıl kütlədən emal məntəqəsində və fərdi təsərrüfatlarda 160 ton quru tütün istehsal olunub.
скачать dle 12.1