Balakən tütünçüləri sahələrdə

Balakən rayonunun təsərrüfatlarında tütün şitillərinin sahələrə köçürülməsi prosesi davam edir. Bu günədək rayonda 211,6 hektar sahədə tütün əkilib.

Bu barədə Balakən Dövlət Aqrar İnkişaf Mərkəzindən

məlumat verib.

Qurum rəsmisi bildirib ki, builki mövsümdə Balakən rayonunun təsərrüfatlarında 300 hektar sahədə tütün əkini nəzərdə tutulur. Balakənli fermerlər cari ildə 267 hektar sahədə “Virciniya botaniki”, 33 hektarda isə digər növ tütün yetişdirəcəklər. Fermerlər indiyədək 185,6 hektar sahəyə “Virciniya botaniki”, 26 hektara isə “İmmuniy” növlü tütün şitilləri köçürüblər. Tütün əkini işlərinə iki yüz nəfərdən çox mövsümi işçi cəlb olunub.

Xatırladaq ki, ötənilki mövsümdə balakənli fermerlər 425 hektar sahədən 786 ton quru tütün əldə ediblər. Tütün istehsalı əvvəlki illə müqayisədə 273,7 ton artıb.
скачать dle 12.1