Kürdəmir heyvandarları cinsi tərkibi yaxşılaşdırmağı planlaşdırır

Kürdəmir rayonunda heyvandarlıqla məşğul olan fermerlər və fiziki şəxslər mal-qaranın cins tərkibinin süni mayalandırma yolu ilə dəyişdirilərək daha məhsuldar heyvanlarla əvəz edilməsinə maraq göstərirlər və təsadüfü deyil ki, ötən il bu istiqamətdə xeyli iş görülüb.

Rayon Dövlət Aqrar İnkişaf Mərkəzindən

bildirilib ki, Kürdəmirdə hazırda 58 min baş iribuynuzlu mal-qara var və yenicə yola saldığımız 2020-ci ildə süni mayalandırma yolu ilə 1741 baş cins bala alınıb. Alınan buzovlar əsasən “Simmental”, “Holşteyn-friz”, “Şarole” və “Şvis” cinslərindəndir.

Qeyd edək ki, rayonda 6 peşəkar süni mayalandırma texniki var. Onlar keçən il 2849 baş inəkdə süni mayalandırma aparıblar. Fermerlər və fiziki şəxslərə alınan hər baş cins buzova görə dövlət tərəfindən 100 manat subsidiya verilir.скачать dle 12.1