Ağsu meyvə dərənləri bol məhsul yerli bazarlara çıxarırlar

Ağsu rayonunda meyvə və giləmeyvə yığımı davam edir. Bağlardan hələlik 7657 ton məhsul götürülüb ki, bu da ötən ilin müvafiq dövründəki göstəricidən 82 ton çoxdur.

Rayon Statistika İdarəsindən bu barədə AZƏRTAC-ın bölgə müxbirinə verilən məlumatda bildirilir ki, hazırda Ağsuda 3274 hektar meyvə bağı vardır ki, bundan 3231 hektarı bar verir. Cari ildə bağbanlar istər dağlıq, istər dağətəyi, istərsə də aran ərazilərdə bol məhsul yetişdirməyə nail olublar. Hər hektardan məhsuldarlıq bir sentner artıb. Xüsusilə Pirhəsənli, Kəndoba, Kalva və bir sıra digər ərazi dairələrində alça, gavalı, alma, armud, qoz, fındıq, nar, heyva, xurma və digər məhsulların tədarükü daha çox artıb.

Fermerlər və fiziki şəxslər yetişdirdikləri məhsulları yerli bazarlara çıxarırlar.

скачать dle 12.1