Fındıqyığanlara sertifikat veriləcək

Azərbaycan Dövlət Aqrar Universiteti (ADAU) ilə ABŞ Beynəlxalq İnkişaf Agentliyi (USAID) tərəfindən maliyyələşən Özəl Sektorun İnkişafı Layihəsi (PSA) üzrə “Ferrero” şirkəti ilə birgə əməkdaşlıq çərçivəsində Fındıqçılıq üzrə Texniki Sertifikat Proqramı (TCP) təlimləri davam edir.

N

övbəti təlim oktyabrın 30-31-də Aqrar Universitetin yeni tədris korpusunda keçirilib.

Təlimlərdə USAID PSA layihəsinin aqronomu Ziya Əliyev “Fındığın xəstəlikləri və zərərvericilərinin qiymətləndirilməsi”, “Əkindən sonra gübrələmə”, “Gübrələrin tətbiqi üsulları”, “Ferrero” şirkətinin Aqrobiznesin inkişafı layihəsinin rəhbəri Andrea Kastaqna “Fındığın xəstəlikləri və zərərvericilərinin qiymətləndirilməsi”, “Ferrero” şirkətinin Aqrar Səriştəlilik Mərkəzindən isə Suarez Eloy “Gübrələmə” mövzularında çıxışlar ediblər.

Təlim ənənəvi üsulla yanaşı, onlayn formada da keçirildiyi üçün iştirakçılar sayca çoxluq təşkil edib.

Sonda iştirakçılarla mütəxəssislər arasında debat keçirilib.

Qeyd edək ki, təlimlərin iştirakçıları proqramın sonunda imtahan verərək beynəlxalq sertifikat alacaqlar. Növbəti sessiya noyabrın 13–14-də təşkil olunacaq.
скачать dle 12.1