Araz Əhmədov:Yüksək mənəvi idealları ilə tanınan emosional zəka sahibi yaxud Vətən uğrunda vətən sevgisi qazanmış əsl insan

Elşad Seyidzadə
_________________________________
Antik yunan filosofu Platon yazırdı ki,kamilliyə can atan insanlar üçün ən gərəklisi qanunlar haqqında elmdir.

Ədalətə,haqqa,həqiqətə bağlılıq bəşər sivilizasiyasının qədim dövrlərindən insanlığı səciyyələndirən,onu dünyanın ən ali varlığına,zinətinə çevirən ülvi keyfiyyət sayılıb.

Yaşadığı zaman və məkandan asılı olmayaraq daxilindəki işığa doğru üz tutan,ədalətə tapınan insanlar bütün cəmiyyətlərdə sevilib,seçiliblər.

Parlaq şəxsiyyətləri,yüksək mənəvi idealları ilə tanınan belə şəxsiyyətlərin həyat amalı,ilk növbədə,onların cəmiyyətə fayda verən fəaliyyətində real təcəssümünü tapıb.
Həmin insanların həyatı, işgüzar fəaliyyəti, xalqına, vətəninə xidmətə həsr olunur. Müdriklər demişkən: "Xalq üçün, vətən üçün yaşanan ömür əsl insan ömrüdür".

Yaşadıqları ömürləri mənalı və şərəfli, başları dik, həmişə ucalarda olur. Bu cür insanlar öz xoşbəxtliyini, səadətini, varlığını vətənə, xalqa ləyaqətlə xidmətdə görür.

Onlar öz xalqının, millətinin mənəvi siması, genefondudur desək səhv etmərik.

Vətən üçün yaşanan ömür, əsl insan ömrüdür.

Belə insanları tanımaq, gənc nəsilə tanıtmaq hər birimizin ümdə vəzifəsidir.

Bu cür şəxsiyyətlərin işığı gənc nəslin həyat yoluna düzgün istiqamət verər.


Azərbaycan dövlətçiliyinin qorunmasında, kəşfiyyat-təxribat fəaliyyətinin qarşısının alınmasında, əməliyyat-axtarış və istintaq tədbirlərinin həyata keçirilməsində öz xidməti vəzifələrini yerinə yetirərkən fərqləndiyi üçün "Hərbi xidmətlərə görə” və "Vətən uğrunda” medalı ilə təltif olunmuş general-mayor, I Qarabağ müharibəsinin iştirakçısı,hazırda Masallı Rayon İcra Hakimiyyətinin Başçısı Araz Süleyman oğlu Əhmədov kimi...


Üç sözlə ifadə etsək: xeyirxah,vətənpərvər,qədirbilən…Bu amal, bu istək, sanki, bir ömür boyu Araz müəllimin ruhuna, qəlbinə hopmuş,hər anında onunla yanaşı olmuş, insanların qayğılarına, ehtiyaclarına işıq tutmuşdur.

Ömrünün zirvəsinə mətin,yeyin,düz,şax,şux,vüqarla ucalan bu insan həmçinin, həyatının hər bir anında məhz belə olmağa çalışıb.

Zəhməti, haqqı nahaqqın ayağına verməmək əzmini,yüksək məsuliyyəti,xalqımız,dövlətimiz üçün faydalı olmaq məqsədini bir an da özündən uzağa buraxmayıb.

Onun ömür yolu,- əsrlərdir mətin, mərd, əzmkar insanları ilə baş-başa,çiyin-çiyinə qoşa dayanan Ordubadda,dünyaya göz açdığı Biləvin bərəkətli torpağından, ailəsindən,ocağından güc alır.

Əlbəttə ki,bütün bu müsbət səciyyəvi xüsusiyyətlər,onun istedadından və işıqlı gələcəyindən xəbər verən detallardan olmuşdur.

Bu günə kimi fəaliyyət göstərdiyi dövlətin mühüm orqanlarında qeyri-adi idarəçilik fəaliyyətinə malik bir insan olduğunu da zəkası, işgüzarlığı, əzmi, iradəsi ilə ifadə edib.

Ən əsası odur ki, Araz müəllim əsl ziyalı, gözəl insandır.

Hamının dərdinə şərik olan, halına yanan bir insan.

Bu çətin dünyamızda mənəviyyatın aşındığı, əxlaqi dəyərlərin alt–üst olduğu, insanlığın çat verdiyi bir zamanın və mühitin içində bu keyfiyyətlərə malik ləyaqətli şəxsiyyərlərin varlığını hiss etmək, sözün həqiqi mənasında özü də bir təsəllidir.

Araz Əhmədovun bu günə kimi vətən və dövlət qarşısında göstərdiyi layiqli xidmətin müqabilində qazandığı uğurlar, əldə etdiyi müsbət nəticələr, işinə məsuliyyətli yanaşma düşüncəsi,bu cəsur insanın parlaq keyfiyyətləri, öz vəzifəsinə sadiqliyi, mürəkkəb məsələlərin həllinə yüksək peşəkarlıqla münasibət bildirməsi, daima inkişafa yönəlmiş fədakar əməyin təcəssümüdür.


Dövlətin etimadını qazanmaq,vətənə sədaqət, göstərilən yüksək xidmət,ictimai münasibətlərin fonunda təhlükəsizliyi təmin etmək, tapşırılan göstəriş və təlimatları yüksək peşəkarlıqla yerinə yetirməyin şərəfini daşımaq məsuliyyətlidir.

Şərəf və Ləyaqət adlı məfhumun Azərbaycan xalqının milli –mənəvi dəyərlər sistemində bir etalon olduğu, bu sözlərə ehtiram və diqqətlə yanaşılmasının çox qədim, həmçinin zəngin ənənələri var.

Çünki, xalqımızın mənəvi dünyasında, milli mentalitetində Şərəf və Ləyaqət sözünün,həmişə ali həyat məramı olub.

Ləyaqətli və Şərəfli insanlar, həm də xalqımızın adət və ənənələrinin qoruyucusu, gənc nəsilə ötürücüləridir.

Azərbaycan xalqının milli mental dəyərlərindən irəli gələrək tarix boyu şərəfli insanlar cəmiyyətdə yüksək hörmət və nüfuz sahibi olublar.

Bu tip şəxsiyyərlər məşğul olduğu sahə ilə deyil, cəmiyyətdəki nüfuzu, mövqeyi və digər üstünlükləri ilə bu adın yükünü daşımağa haqqı çatan insandır.

İnsan doğulduğu mühitin övladıdır; onun sonrakı həyat mərhələlərindəki bütün fəaliyyəti elə həmin mühitin abu-havasından ruhuna hopmuş hiss və duyğuları ilə formalaşır, məzmun səciyyəsi almağa meyillənir.

Həm də insanın əsl şəxsiyyət kimi yetişməsində zamanın da böyük və əhəmiyyətli rolu olur.

Çünki, insan zamanla şəxsiyyətə çevrilir.

Əlbəttə ki, daxili aləminin daha alt qatındakı keyfiyyətləri zamanla çulğaşaraq onun bütöv insan kimi yetişməsində, sağlam təfəkkür, doğru-düzgün məntiqi düşüncə, dolğun təxəyyül sahibi olmasında böyük rol oynayır və o, həqiqi şəxsiyyət statusu alır.

Araz müəllim də ziyalı, mədəni,yüksək şəxsi keyfiyyətləri ilə seçilən insan olmaqla paralel, həmçinin Masallı rayon icra hakimiyyətinin başçısı kimi ictimai-siyasi,sosial-iqtisadi münasibətləırin inkişafı istiqamətində işin düzgün təşkili, vətəndaşla dövlət arasında icra mexanizminin əsaslı formalaşdırılması,hakimiyyət orqanlarına insanların etimadının qazanılması vacibliyini, daim diqqət mərkəzində saxlayan əsl dövlət adam imicini yartmağa müvəffəq ola bilmişdir

Bu üzdən parlaq və zəngin erudisiyası, yüksək emosional zəkası ilə seçilən Araz Əhmədovun daxili aləminin bütün məziyyətləri, mənəvi-əxlaqi keyfiyyətləri, ruhundan qəlbinə bal kimi süzülən hiss-həyəcan və duyğuları, fikirləri, düşüncə tərzi, xarakterik xüsusiyyətlərini təcəssüm etdirən ştrix detalları ən kiçik zərrə şəklində hazırkı günümüzə kimi onun işgüzar fəaliyyətində,qazandığı xidməti uğurlarında,dövlətçlik maraqlarının qorunması istiqasmərində atdığı addımlarında doğru-düzgün öz əksini tapmışdır.

Həmin cizgilərdə toplanaraq şəkillənən bu diqqətə layiq keyfiyyətlər onun həqiqi simasını, hansı kriteriyalara sahib olduğunu, doğrudan da, əminliklə açmış, onu içində yaşadığı cəmiyyətə və vətəndaşı olduğu dövlətə gerçək təqdim etmişdir.

İnsan, doğrudan da,əməlləri ilə tanınır, sevilir, hörmət, nüfuz sahibi olur, xalqının gözündə ucalır, əziz tutulur, vətəndaşı olduğu ölkənin inkişafı üçün bütün səy və bacarıqlarını əsirgəmir, gördüyü işlərlə daim diqqət mərkəzində olur, dövlətin etimadını qazanır, ona tapşırılan işlərin öhdəsindən bacarıqla gəlir, sınağından əsl şəxsiyyət kimi çıxır, vətən qarşısındakı sədaqət və dönməzliyi daim qiymətləndirilir.скачать dle 12.1