Aydın Talıbov: Nəcib və işgüzar insan yaxud sahibkarlıqda uğur formulunun qurucusu

Elşad Seyidzadə
_________________________________

Bir insanın daxili aləminin bütün məziyyətləri, mənəvi-əxlaqi keyfiyyətləri,ruhundan qəlbinə bal kimi süzülən hiss,həyəcan və duyğuları,fikirləri,düşüncə tərzi,xarakterik xüsusiyyətlərini təcəssüm etdirən ştrix,detalları,ən kiçik zərrə şəklində onun simasında doğru,düzgün öz əksini tapır.

Bu cizgilərdə toplanaraq,şəkillənən həmin keyfiyyətlər,insanın layiq olduğu bu xüsusiyyətləri bütünlüklə, bütöv,- təmsil olunduğu topluma olduğu kimi göstərir.

Bu yazımızda həmin insanlardan biri,- daxili aləminin nəcibliyi ilə üz cizgilərindəki səmimiyyətin vəhdətindən yaranan bütövlüyün,tamlığın,bütün insani keyfiyyətlərin məcmusunu mənəvi-əxlaq dəyərlər kriteriyasında etalon kimi qoruyub saxlayan,hörmətli və nəcib şəxsiyyət,əsl ziyalı,doğru-dürüst, sadə, səmimi, gülərüz,mehriban,əsl vətəndaş, layiqli vətən oğlu,xeyirxah əməlləri ilə yadda qalan iş adamı, Aydın Talıbovun portretini olduğu kimi təqdim etmək istəyirik.

Aydın Talıbov ,- Azərbaycanda milli sahibkarlıq ənənələrinin ilk təməl daşını qoyanlardan, özəl sektorun inkişafında, əsl biznes mühitinin formalaşmasında böyük və əvəzsiz xidmətləri ilə seçilən insanlardandır desək, səhv etmərik.

Bu üzdən də tanınmış iş adamı, indiyə kimi gördüyü xeyirxah işləri ilə daim yadda qalan,uğur formulunun yaradıcısı,nüfuzlu ictimai xadim, “Veysəloğlu “ Şirkətlər Qrupunun təsisçisi və icraçı direktoru Aydın Talıbov haqqında bir neçə kəlmə xoş söz söyləməyi özümüzə vətəndaşlıq borcu bilirik.

İnsan doğulduğu mühitin övladıdır; onun sonrakı həyat mərhələlərindəki bütün fəaliyyəti elə həmin mühitin ab-havasından ruhuna hopmuş hiss və duyğuları ilə formalaşır, məzmun səciyyəsi almağa meyillənir.

Həm də insanın əsl şəxsiyyət kimi yetişməsində zamanın da böyük və əhəmiyyətli rolu olur.Çünki insan zamanla şəxsiyyətə çevrilir.

Əlbəttə ki,daxili aləminin daha alt qatındakı keyfiyyətləri zamanla çulğaşaraq,onun bütöv insan kimi yetişməsində, sağlam təfəkkür,doğru,düzgün məntiqi düşüncə,dolğun təxəyyül sahibi olmasında böyük rol oynayır və o,həqiqi şəxsiyyət statusu alır.

Aydın müəllim həmçinin,ömrünün ən dəyərli anlarını doğurdan da əsl insan,əsl şəxsiyyət olmaq üçün yaşayıb desək, hədəfimizə elə doğru, dürüst çatarıq.

Onun daxili aləminin portretini cızarkən,doğurdan da əsl insana xas bütün xüsusiyyət və məziyyətlərin bu cizgilərdə necə də əks olunduğu,ən xırda detal və ştrixlərin ən dərin qatından baş qaldırdığının,cilalanıb sahibinə əsl qiymətin verilməsi üçün necə də təşnələnməsinə şahid olursan.

Doğurdan da insana onun layiq olduğu dəyəri verəndə,həmin dəyərin çəkisinin ağırlığı, əqiqindən nə qədər çox baha və ağır gəldiyini görürsən.
Bu dəyərli insanın keçdiyi həyat yoluna düz və iti baxış bucaqlarından avtobioqrafik nəzərə saldıqda, onun bu günə kimi layiqli bir ömür yaşadığına bir daha əmin olursan.

Aydın Talıbovun bu günə kimi Azərbaycanın sahibkarlıq və idarəetmə sferasındakı əldə etdiyi uğurların başlanğıcı, hələ doğulub boya başa çatdığı Naxçıvanın Şərur elinin Siyaqut kəndindəki yaşadığı illərdə yeniyetməlik çağlarının zəhmətə bağlılığı, həyatın keşməkeşlərindən, dar cığırlarından,dolanbaclarından keçməyə həvəsi, mayasının halallığla yoğrulamasından qaynaqlanır.

Həmin illərin mayasına hopmuş halallığı, çəkdiyi zəhmətlər, sonrakı həyat mərhələlərində qazandığı müsbət nəticələrə təkan verməsi, indi onun kamil biznes adamı kimi yetişməsindən xəbər verir.

Bu gün Azərbaycanın biznes və sahibkarlıq tablosunda Aydın Talıbovun uğurlarının rəng palitrasının zənginliyi ilə seçilməsi, illər əvvəl zəhmətə bağlı bir kənd uşağının doğulub boya başa çatdığı torpaqda atdığı kövrək addımlarının indi daha möhtəşəm, daha inamlı olmasını özündə ehtiva etməsi, detalları baxımndan yadda qalandır.

Deməli,sabahın uğurlu iş adamı, təcrübəli biznes bilicisi adını qazanmaq tendensiyasını Aydın Talıbov hələ o illərdə ruhuna hopdurmağı bacarmışdır.
Sahibkarlıq və biznes münasibətlərinə marağı elə həmin keçməkeşli illərdən özünə çəkdiyindən, bu istək və məqsəd onu bu istiqamətdə daim yeni düşüncələr sərgiləməyə ruhlandırırdı.

Bütün bunlarla paralel, onun elmə, biliyə olan marağı da diqqət mərkəzində idi. Ali təhsil almaq məqsədi, tələbə adını qazanmaq istəyi hər zamankı kimi onu rahat buraxmırdı.

1984-cü ildə Azərbaycan Memarlıq və İnşaat Universitetinə qəbul olunan Aydın Talıbov, 1989-cu ildə təhsilini müvəffəqiyyətlə başa vuraraq,üç il Naxçıvan MR-da Dövlət Plan Komitəsində və Nazirlər Kabineti yanında Əsaslı Tikinti İdarəsində çalışır.

Həmin illər, bir sıra iqtisadi-sosial çətnliklər, ölkəni bürüyən böhran, insanların həyatına öz təsirini göstərirdi. Aydın müəllim həmçinin, ətrafında cərəyan edən reallıqları görür , həyatın çətinliklərinin getdigcə daha çıxılmaz şəkil aldığını dərk edir və bundan nəticə çıxarmağın zamanının çatdığını hiss edirdi.

Bu üzdən 1992-ci ildə işindən ayrılaraq,hələ yeniyetməlik illərində onu özünə çəkən ticarətlə məşğul olmağa qərar verir.
Hələki kiçik ticarətə üstünlük verən Aydın Talıbov,Türkiyə və İrandan müxtəlif mallar gətirib Azərbaycanda və Rusiyada sataraq gələcək biznes həyatının qala divarlarını hörməyə başlayır.

Bütün bu illər ərzində qarşılaşdığı çətinliklər onu ruhdan salmır, əksinə daha əzmkar olmağa təşviq edir və o,1993-cü ildə “Aydın” MMC adlı kiçik müəsissə təsis edib, sahibkarlıq fəaliyyətini davam etdirir.

Məqsədi, başladığı işi irəli aparmaq, daha böyük biznes fəaliyyəti formalaşdırmaq, sahibkarlıq sferasında milli maraqlara uyğun mühit qurmaq idi.

Nəhayət, 1994-cü il noyabrın 5-də Aydın Talıbov, Azərbaycanda “Veysəloğlu “ adı ilə tanınanacaq məşhur brendin əsasını qoymağa müvəffəq olur.
Bu gün “Veysəloğlu “ Şirkətlər Qrupu kimi tanınan bu brend,- doğurdan da Azərbaycanda öz istiqamət fəaliyyəti və dəyərləri ilə seçilən biznes və sahibkarlıq flaqmanıdır.

Ədalətlilik,- hörmət,İnsana dəyər vermək, bərabər imkanlar;

Etibarlılıq,- şəffaflıq,inam qazanmaq, keyfiyyətli iş;

Təşəbbüskarlıq,-sahibkar yanaşması,davamlı inkişaf və yenilik,çeviklik və adaptivlik,cəsarət;
Birlik və bütünlük,- əməkdaşlıq, komanda işi, sinerji;

Məsuliyyət,- sahiblənmək,cavabdehlik,effektivlik kimi prinsplər isə, bu biznes nəhənginin dünəni, bu günü və sabahı üçün nəzərdə tutulan baza təməlidir.

Bu prinsiplər, qəbul olunduğu gündən indiyə kimi davam etdirilir, ona riayət olunur və tələbləri dolğun, sahibkarlığın tələblərinə uyğun yerinə yeririlir.
Bu üzdən, “ Veysəloğlu “günü- gündən inkişaf edir, sferası genişlənir, daha uğurlu biznes layihələri üçün gündəm qazanır.

“Veysəloğlu “Şirkətlər Qrupu həmçinin topdansatış/distribusiya, pərakəndə ticarət, istehsalat, logistika sahələrində 20 mindən artıq əməkdaşı ilə qeyri-neft sektorunda ölkənin ən iri işəgötürənlərindən biridir.

İri transmilli korporasiyaların rəhbər heyətləri sıralarından bu Qrupa qoşulmuş peşəkarlardan müasir trendləri, biznes prosesləri, yeni texnologiyaları öyrənərək fəaliyyətində də tətbiq edir.

Bu şirkət üçün yaradıcı və yenilikçi olmaq uğurun açarıdır.

“Veysəloğlu “ fərqlilikləri üstünlük olaraq görür, bütün əməkdaşlarına inkişaf üçün şərait yaradır, ayrı-seçkiliyə yol vermir.

Biznes etikasını qoruyaraq, operativlik və effektivliyini davamlı artıraraq inkişaf edir. Riskləri imkan olaraq görür, səhvlərdən öyrənir.
Öyrənmə və öyrətmə ən əhəmiyyətli göründüyündən səriştələrdəndir.

“Veysəloğlu “Şirkətlər Qrupu həmçinin öz əməkdaşları ilə yanaşı, onların övladlarının da təhsil və inkişafına dəstək göstərir.


Əlbəttə,bütün bu tezis və uğurlu iş prinsipləri Aydın Talıbovun sahibkarlıqda uğur qazanmaq tendensiyasının məntiqi nəticəsi kimi yadda qalandır.
Bu ənənənin əsası qoymaq, onu iqtisadi reallıqlara uyğunlaşdırmaq, daha yeni biznes formasiyalarının qurulmasına cəlb etmək, ancaq yüksək sahibkarlıq düşüncəsinə mənsub insanlara xas olur.

Bu üzdən,sahibkarlıq fəaliyyətində ölkə iqtisadiyyatının, biznes mühitinin düzgün formalaşması istiqamətində göstərdiyi xidmətlərə görə, Aydın Talıbov 2 fevral 2018-ci ildə, Azərbaycan Respublikasının Prezidenti cənab İlham Əliyev tərəfindən “Tərəqqi” medalına layiq görülmüşdür.

Aydın müəllim, bütün gördüyü işlər, göstərdiyi xidmətlərin müqabilində həmçinin, gözəl ailə başçısı, üç övladının qayğıkeş atasıdır.
Övladlarını da vətənə sədaqət, xalqa sevgi, dövlətə xidmət ruhunda tərbiyə eyməyə müvəffəq ola bilmişdir.

Bu gün özəl sektorda müstəsna yeri və payı olan bu nəhəng iş adamının doğurdan da müasir Azərbaycanın sahibkarlıq sferasında böyük nüfuzu vardır.

Bu günə kimi qurduğu biznes sahələrinin bütün qazanılan uğurlarının əsas memarı və ideya daşıyıcısı əlbəttəki, sahibkarlığın ilk təşkilatçılarından, respublikda işgüzar mühitin yaradıcılarından biri kimi tanınan Aydın Talıbovdur.

O, sadəcə sahibkar və iş adamı deyil, həm də biznes qurucusu və blicisidir. Zamanın işgüzarlıq üçün nəbzini tutmağı bacaran, onu mühitə və məkana uyğun yönləndirməyi bacaran beyin adamıdır.

Bu gün doğurdan da, bu tip xarakterik xüsusiyyətlərə malik, milli inkişaf konsepsiyasının ideya daşıyıcılarına böyük ehtiyac duyulandır.

Aydın Talıbov,- bu keyfiyyətləri daxili aləmində etalon kimi qoruyub saxlayan, onu yeri gəldigcə ölkəmizin milli maraqları üçün əzmlə sərf edən, milli ruhu və milli siması olan əsl Azərbaycanlıdır.

Bu da haqqında danışdığımız insanın bu günə qədər keçib gəldiyi şərəfli və doğru,düzgün həyat yolunun zəngin çalarlarla dolu avtobiqrafiyası.
İnsan doğurdan da əməlləri ilə tanınır,sevilir, hörmət,nüfuz sahibi olur,xalqının gözündə ucalır,əziz tutulur,vətəndaşı olduğu ölkənin inkişafı üçün bütün səy və bacarıqlarını əsirgəmir,gördüyü işlərlə daim diqqət mərkəzində olur,dövlətin etimadını qazanır,ona tapşırılan işlərin öhdəsindən bacarıqla gəlir,sınaqından əsl şəxsiyyət kimi çıxır,vətən qarşısındakı sədaqət və dönməzliyi daim qiymətləndirilir.

Aydın müəllim həmçinin belə insanlarımzdan,özəl sektorda öz yeri,çəkisi və sözü olan sanballı iş adamlarımızdan, Azərbaycanda sayılan sahibkarlardandır.

Onun hələ yaşamaq,quruculuq şövqü, mayası torpaqla yoğrulan ruhundadır.скачать dle 12.1